تامر حسني : بناتي كانوا بيدعولي وبيطمنوني قبل حفلي في اسبانيا

كشف النجم تامر حسني عبر حسابه الشخصي على موقع الصور الشهير "انستجرام" عن موقف جمعه بابنتيه تاليا وآمايا قبل حفل نادي ألميريا الإسباني، والذي أحياه تامر مؤخرا. 

ونشر تامر حسني صورة تجمعه بابنتيه وعلق عليها قائلا: "قبل صعودي المسرح للحفل الأسطوري لنادي الميريا بإسبانيا اللي هحكيلكوا كل تفاصيله في البوست القادم مش عارف انسى لحظة لما شافوني خايف عشان اول مره اواجه جمهور اسباني بالكامل ومكنتش عارف ازاي هيستقبلوني فكان باين عليا التوتر ففضلوا جانبي طول الوقت وبيدعولي وبيقولولي متخافش يا بابا لحد ما نزلت كواليس أرض الملعب".

وتابع: "متفائل بدعواتهم وطبعًا المفاجأه استقبال الجمهور الاسباني ليا وليها بوست خاص، وطبعًا استاذ آدم معانا بس كان نايم كالعاده عشان الوقت كان متأخر.. ربنا يخليكوا ليا يا فرحة عمري".