نيللي كريم: "جوزي بنام على الكنبة بعد الجواز"

ردت الفنانة نيللي كريم على سؤال طرحته عليها الفنانة اللبنانية مايا دياب خلال استضافتهما في برنامج "بصراحة مع" المذاع عبر قناة ام بي سي عن فكرة نوم الزوجين في غرف منفصلة. قالت نيللي كريم: "إحنا الاثنين بنحب ننام على الكنبة، وساعات بندخل أوضة النوم، لكن أنا أفضل نبقى مع بعض." وأضافت: "هي فكرة حلوة، لو تتفرجي على الأفلام القديمة، كان هو في أوضة وهي في أوضة، وتلاقي الموضوع صحي. يمكن مبقاش عندنا أوض كتيرة زي زمان." وكشفت مايا دياب عن رأيها في هذه الفكرة قائلة: "أنا بحب يكون عندي الجناح الخاص بي ومساحتي وهو يعزمني، إذا كنت عاوزة أكون لوحدي وكده هشتاق له"، لتعلق نيللي كريم بقولها "ده وقت حريم السلطان".
‎
عن موقفها لو رفض أولادها زواجها مرة ثانية قالت نيللي كريم: "من وأنا صغيرة عمري ما باخد رأي حد. في جوازتي الأولانية إتجوزت من ورا أهلي ومخدتش رأي حد، ودايما متعودة طالما قررت أنفذ قراري ولادي أنا عارفة إنهم بيحترموا قراراتي، ولو في نقاش بيبقوا عارفين إن محدش يقدر يأثر عليا، وأنا مش بجبرهم على رأي" وتابعت: "بحب كل واحد ياخد قراره بنفسه ويبقى مقتنع برأيه، ولو رأيه غلط يتحمل نتيجة الغلط. ممكن أنصح وأقول رأيي لكن من غير ما أصر إن رأيي هو الصح، لإن مفيش حاجة اسمها صح وغلط في العموم."