بعد بكائها على شيرين.. تفاصيل أزمة راندا البحيري الصحية وسبب نقلها للمستشفى

تعرضت الفنانة راندا البحيري لوعكة صحية بشكل مفاجئ، حيث إنها نشرت صورة لها من داخل المستشفى عبر حسابها الشخصي على موقع التواصل الاجتماعي “فيس بوك”.

وقالت “راندا” إنها أصيبت بنزلة معوية حادة مع مغص كلوي شديد مؤكدة بأنها خضعت للتحاليل والإشاعات اللازمة وأضافت بأنها خرجت من المستشفى وعادت إلى منزلها.

وحرص عدد كبير من المتابعين لدي “راندا” عبر موقع فيس بوك للإطمئنان عليها وجاءت أبرز التعليقات كالآتي:" ألف مليون سلامة عليكي يا راندا".

وفي سياق دخلت الفنانة راندا البحيري، في نوبة بكاء أمام جمهورها، اثناء توجيه رسالة دعم للفنانة شيرين عبد الوهاب، بعد الحديث عن دخولها مستشفى لعلاجها من الإدمان كما قال شقيقها.

في هذا السياق، ظهرت راندا في فيديو عبر حسابها الرسمي على موقع التواصل الاجتماعي “فيس بوك” وهي تبكي وتقول: أتمنى تكوني كويسة.. أنا متعلقة بشيرين.. أول مرة زعلت من شيرين أوي لما قالت إنها هتعتزل اليوم ده.. كنت مخنوقة فيه بشكل مش طبيعي، وبعدين سمعت قرار الاعتزال يومها حسيت أن القرار ده مش ملكها.. ده مش حقها لأنها بتاعتنا بتاعة المصريين.

وتابعت قائله: “ليه ده أنا هتمنع أسمع صوت شيرين تاني.. قعدت أقول يارب يطلع الكلام ده مش صح.. أنا دلوقتي بتمنى أن أنتِ تكوني عارفة غلاوتك ومقدارك عند الناس، لأن من الواضح أنتي متعرفيش خالص.. أنتي لو عارفة المشكلة تخلص؛ الواحد محتاج دافع يعيش عشانه وتجدد شغفه علشان تعيش في الدنيا”.

واختتمت راندا البحيري بقولها: حب الناس حاجة كبيرة جدًا تخلي الواحد مبسوط، و يقدر يقف قدام مرض وأي حاجة وحشة وتزعل على زعلها.. أنا الكام مرة اللي تعبت فيهم بالفعل في ناس تعبت على تعبك وزعلت على زعلك أنا لما بتزعلي أنا بزعل.. هي صعبانة عليا جدًا مكنتش أحب توصل للمرحلة دي من الوجع وبدعيلك وبحبك.